कक्षा १–३ मा एकीकृत शिक्षा लागू गरिदैँ, नयाँ पाठ्यक्रम परीक्षण


काठमाडौँ, साउन १९ ।
पाठ्यक्रम विकास केन्द्रले मुलुकभरका सामुदायिक विद्यालयमा कक्षा १–३ को नयाँ पाठ्यक्रम परीक्षण थालेको छ । कक्षा १–३ का लागि एकीकृत पाठ्यक्रम निर्माण गरिएको छ। मिल्ने विषयवस्तुसँगै पढाउने उद्देश्यसाथ केन्द्रले एकीकृत पाठ्यक्रम बनाएको हो ।

यसका लागि ६ वटा क्षेत्र तोकिएका छन्। नेपाली, अंग्रेजी, गणित, सामाजिक र सिर्जनात्मक कला, विज्ञान स्वास्थ्य शारीरिक वातावरण र स्थानीय भाषा वा स्थानीय विषय राखिएको छ । सिर्जनात्मक कला र सामाजिकलाई एकै ठाउँ समेटेर मेरो सेरोफेरो विषय बनाइएको छ ।

परीक्षण थालिएको पाठ्क्रममा स्थानीय तहले तयार गरेको एउटा विषय पनि समावेश गरिनेछ । सो विषयमा स्थानीय तहमा बोलिने भाषालाई प्राथमिक्ताका साथ राखिनेछ। साताको २६ घण्टा पढाउने गरी पाठ्यक्रम तय गरिएको पाठ्यक्रम विकास केन्द्रका सूचना अधिकारी तथा निर्देशक गणेश भट्टराईले बताउनुभयो ।

उनका अनुसार २०७७ देखि कक्षा १ देखि ३ बाट नयाँ पाठ्यक्रम कार्यान्वयन थालिनेछ । सो पाठ्यक्रमको सिकाईलाई जीवनसँग जाडिन सहयोग पुग्नेछ । यसबाट विद्यार्थीले व्यवहारीक सिप सिक्नेछ भने साक्षरता, अन्तरवैयत्तिक सञ्चार गरी पाँच क्षेत्रका २९ सिपहरु सिक्न सक्ने भट्टराईको भनाई छ।

आइत, साउन १९, २०७६ मा प्रकाशित

यसमा तपाइको प्रतिक्रिया

अन्य शिक्षा-रोजगार समाचार