शुःल्क बृद्धि नियन्त्रण नगरे आन्दोलबाट घटाउने नेविसंघको चेतावनी, शैैक्षिक माफिया नियन्त्रण गर्नुपर्छः डा.महत


काठमाडौं, ८ साउन । नेपाली कांग्रेसका नेता डाक्टर रामशरण महतले सर्वसाधारणले निजी विद्यालय र क्याम्पसमा छोराछोरीलाई पढाउन सक्ने वातावरण नभएको बताउनु भएको छ ।
सरकारको शिक्षा नीति बिषयक नेपाल विद्यार्थी संघले आज काठमाडौमा गरेको कार्यक्रममा डा. महतले सर्वशुलभ रुपमा शिक्षा प्रदान गर्न शैक्षिक माफियालाई नियन्त्रण गर्नुपर्ने बताउनु भयो ।
शैक्षीक माफियाका कारण नै शिक्षा क्षेत्र तहसनहस भएको भन्दै उहाँले शैक्षिक माफिया नियन्त्रण नगरेसम्म सर्वशुलभ शिक्षा असम्भव रहेको बताउनु भयो ।

शिक्षा क्षेत्रमा बढ्दो अराजकता अन्त्य गर्नु पर्नेमा जोड दिदै नेता महतले सरकारलाई शैक्षिक क्षेत्रको निगारानी बढाउन आग्रह समेत गर्नुभयो ।

नेबिसंघका पूर्व अध्यक्ष गुरुराज घिमिरेले निजी क्षेत्रमा भएको शुःल्क बृद्धि नियन्त्रण गर्नु पर्नेमा जोड दिनुभयो । उहाँले सरकारले जनचाहनाअनुसार काम गर्न नसकेको भन्दै आलोचना गर्नुभयो ।

कार्यक्रममा शिक्षाविद् डा.विद्यानाथ कोइराला, डा.सुरेन्द्र केसीलगायतले बढ्दो शुःल्क बृद्धिको विरोध गर्नुभएको थियो । नेविसंघका नेताहरुले भने शुःल्क बृद्धि स–सम्मान नियन्त्रण नगरे आन्दोलबाट घटाउने चेतावनी दिएका छन् ।

बुध, साउन ८, २०७६ मा प्रकाशित

यसमा तपाइको प्रतिक्रिया