वृद्धि शुल्क खारेज गर्न कैलालीका निजी विद्यालयलाई अखिल (क्रान्तिकारी)को दस दिने अल्टिमेटम


काठमाडौं, ११ बैशाख ।
अखिल नेपाल राष्टिय स्वतन्त्र विद्यार्थी युनियन (क्रान्तिकारी)ले निजी र सामुदायिक विद्यालयलाई हालै गरिएको शुल्क वृद्धि फिर्ता लिएर विगतका सहमति कार्यान्वयन गर्न दस दिनको समयसीमा (अल्टिमेटम) दिएको छ ।
बुधबार अखिल क्रान्तिकारी कैलाली समितिले जिल्लाका सबै स्थानीय तह र शिक्षा समन्वय ईकाई समिति प्रमुखलाई ८ बुँदे मागपत्र बुझाएको छ । समितिका अध्यक्ष बबरजंग सिंहसहित टोलीले मागपत्र बुझाएको हो । हालै मात्र निजी विद्यालयहरुले ३० प्रतिशतसम्म शुल्क बढाएको, पठनपाठनमा विभेद गरेको र टाई, बेल्ट र पोशाकमा एकलौटी वितरण गरी चर्को रकम असुलेको भन्दै तत्काल रोक्न मागपत्रमार्फत चेतावनी दिइएको छ ।


त्यस्तै सामुदायिक विद्यालयहरुले राजनीतिक भागबण्डामा शिक्षक दरबन्दी नियुक्ति गर्ने र आनश्वयक शीर्षक सिर्जना गरी विद्यार्थीबाट चर्को रकम उठाइरहेको भन्दै विरोध गरेको छ । सबैखाले हर्कत बन्द गरी विद्यार्थीलाई निशुल्क रुपमा शिक्षा हासिल गर्न पाउने मौलिक अधिकार उपभोग गर्न दिन सम्बन्धित निकायसँग जोडदार माग गरिएको छ ।
हेर्नुस् मागपत्रः

बुध, बैशाख ११, २०७६ मा प्रकाशित

यसमा तपाइको प्रतिक्रिया

अन्य समाचार समाचार

Like us On Facebook

Follow Us On Twitter