दुखद ख़बर – जिप पल्टिँदा पत्रकार महासंघका पूर्वमहासचिव उजिर मगरसहित १४ घाइते


बागलुङ, २ साउन ।

बागलुङ सदरमुकामदेखि बुर्तिवाङ जाँदै गरेको जिप सडक छेउमा पल्टिँदा नेपाल पत्रकार महासंघका पूर्वमहासचिव उजिर मगरसहित १४ यात्रु घाइते भएका छन् । ४ जनाको अवस्था चिन्ताजनक रहेको प्रहरीले जनाएको छ । बुधबार बेलुकी साँढे ६ बजे गलकोट नगरपालिका-९ रिघामा जिप पल्टेको हो ।

ध १ ज १४९ नम्बरको जिपमा सवार मगरसहित ४ जना गम्भीर घाइते भएका हुन् । घाइतेलाई गलकोटस्थित आरोग्य अस्पतालमा सामान्य उपचार गरेर पोखरा पठाएको इलाका प्रहरी कार्यालय हरिचौरका निरिक्षक मनबहादुर बिकले बताए । अन्य १० जनालाई गलकोटमै उपचार गराइएको छ ।
मंगलबारदेखि लगातार पानी परेकोले मध्यपहाडी खण्डको धेरै स्थानमा पहिरो खसेको छ । धेरै स्थानमा सडक चिप्लो पनि थियो । घटनाको जानकारी पाउनासाथ प्रहरीले उद्धार गरेको हो ।

बुध, साउन २, २०७५ मा प्रकाशित

यसमा तपाइको प्रतिक्रिया