विद्यार्थी संगठनले पुनः देखाए सक्रियता, मनोमानी ढंगले शुल्क लिएको भन्दै मेयरको ध्यानाकर्षण


काठमाडौं ,चैत्र २७ ।
संयुक्त विद्यार्थी संगठनले नीजि विद्यालयले मनोमानी शुल्क लिएको भन्दै आज काठमाण्डौं महानगरपालिकाका मेयर विद्या सुन्दर शाक्यको ध्यानाकर्षण गराएका छन् ।

अनेरास्ववियुकी अध्यक्ष नविना लामा, नेविसंघका अध्यक्ष नैनसिंह महर र अखिल क्रान्तिकारीका अध्यक्ष रञ्जित तामाङद्वारा हस्ताक्षरित विज्ञप्ति बुझाउँदै विद्यार्थी संगठनका प्रतिनिधिले विद्यालय स्तरको शुल्क महंगो भएको दावी गरेका छन् ।

संवैधानिक व्यवस्था अनुसार आधारभूत तहसम्म अनिवार्य निशुल्क तथा माध्यमिक तहसम्म निस्शुल्क शिक्षा दिने दायित्व राज्यले लिनुको सट्टा शिक्षा क्षेत्रमा भइरहेको मनोमानीलाई अनुगमन र नियमन गर्न नसेको बिद्यार्थी संगठनको भनाई छ ।

शिक्षा क्षेत्रमा निजी शिक्षण संस्थाहरुले गरेको मनोमानी र चर्को शुल्क असुल्ने जस्ता कार्यमा स्थानीय तह उदासिन रहेको उनीहरुको आरोप छ ।

यसका साथै जथाभावी शुल्क असुल गर्ने शिक्षण संस्थालाई कारबाही गर्न र सबै शिक्षण संस्थाहरुको शुल्क निर्धारण गर्न समेत विद्यार्थी संगठनले माग गरेका छन् ।

मङ्ल, चैत्र २७, २०७४ मा प्रकाशित

यसमा तपाइको प्रतिक्रिया

अन्य शिक्षा-रोजगार समाचार