शुटिङ स्थलमै ढले अमिताभ बच्चन


बलिउड अभिनेता अमिताभ बच्चन फिल्म शुटिङका क्रममा विरामी परेका छन् ।

आफ्नो आगामी फिल्म ठग्स अफ हिन्दूस्तानको शुटिङमा व्यस्त उनी अचानक शुटिङ सेटमै ढलेका थिए ।

भारतीय सञ्चारमाध्यमका अनुसार विहान ३ बजेसम्म शुटिङ गरेका अमिताभले ५ बजे आफ्नो ब्लगमार्फत स्वास्थ्य अवस्था विग्रिएको जानकारी गराएका थिए ।

उनको उपचारका लागि मुम्बईबाट निजी चिकित्सक शुटिङस्थल जोधपुर पुगेको थियो ।

चिकित्सकले उनको अवस्था सामान्य रहेको र केही दिन आराम गर्न सुझाव दिएको बताइएको छ ।

यसअघि फिल्म शुटिङकै लागि अमिताभ पुरै टिमका साथ थाइल्याण्ड गएका थिए ।

त्यहाँ अत्यधिक चिसोका कारण उनको स्वाथ्यमा असहजता आएको थियो ।

ठग्स अफ हिन्दुस्तानका अलावा अमिताभ बच्चन १०२ नट आउटको शुटिङ पनि गरिरहेका छन् ।

बुध, फाल्गुन ३०, २०७४ मा प्रकाशित

यसमा तपाइको प्रतिक्रिया