सोच


-बलराम तिमल्सिना(विप्लव)

कमरेड सहयात्री !
भयो अव विजय जुलुसबाट फर्क 
माला निकाल मुख धोऊ आविर पखाल
र सोच्न सुरु गर भोलिको वारेमा !

अलिकति सपना सोच
अलिकति आदर्श सोच
अलिकति मूल्य सोच / निष्ठा सोच
आफ्नै विगत सोच/ हविगत सोच
यो सोच्नु पर्ने समय हो साथी !

हामी कता जाँदै छौं –
उकालो या ओरालो ?
हामी के रोज्दै छौं-
जीवन या मृत्यु ?
हामी के पक्रदैछौं-
सत्ता या सत्य ?
के सँधै अरुले नै सोचिदिएर हुन्छ ?
सोच आफैं सोच
एकान्तमा गएर पनि सोच
साथीभाइ जुटेर पनि सोच
एक पटक इमान्दार भएर सोच !

नत्र
भोलि एक घोषणा हुन मात्र वाँकि छ
त्यसपछि कि ताली पिट
कि लुरु लुरु आफ्नो बाटो लाग

त्यस पछि रुन पनि पाउँने छैनौं !
हाँस्ने कुरा त गोली मार भाइ
जसरी क्यान्टोनमेन्ट कव्जा भएको थियो
त्यसै गरी कसैले भन्ने छ-
“ह्याण्डस् अप ! ”

यु रियल्ली रेडी टु ह्याण्ड्स् अप ?
सोच साथी सोच
सोच सहयात्री सोच !

(फेसबुकबाट तानिएकाे)

बिहि, मंसिर २८, २०७४ मा प्रकाशित

यसमा तपाइको प्रतिक्रिया

अन्य कला-साहित्य समाचार

Like us On Facebook

Follow Us On Twitter