बुद्वि र हिम्मतले यसरी हुन्छ जित


एकदिन एउटा कुकुर ले जङ्गल मा बाटो बिर्सेछ । त्यतिखेरै उसले देखेछ कि एउटा सिंह उसकै तिर आइरहेको रहेछ ।
कुकुर को सास डरले रोकिए जस्तो भयो ।
” आज त काम तमाम मेरो ” उसले मनमनै सोचेछ ,

त्यसपछी उसले अगाडि केही सुकेको हड्डीहरु देखेछ ।
त्यो आउदै गरेको सिंहको तर्फ थुचुक्क बसेर त्यो सुकेको हड्डीलाइ चुस्न थाल्यो र जोड ले जोडले बोल्न थालेछ ,
” वाह ! सिंहलाई खानुको मजा नै केही अर्कै छ , एउटा अर्को पनि भेटियो भने पुरै पेट भरिन्छ ”
अनि उसले जोडले डकारेछ । ”
सिंह सोच मा परेछ , उसले सोचेछ कि ” यो कुकुर ले सिंह को सिकार गर्छ ज्यान बचाएर भाग ”

सिंह त्यहाबाट ज्यान बचाएर भाग्यो ।
रुखमा बसेको बाँदरले यो सब हेरीरहेको थियो , उसले सोच्यो यहि मौका राम्रो छ सिंहलाई जम्मै नालिबेली सुनाइदिन्छु , सिंहसित मित्रता पनि भइहाल्छ र मेरो ज्यान को अब कुनै खतरा पनि हुदैन ,
त्यो फटाफट सिंह को पछाडी कुद्यो ,
कुकुर ले बाँदरलाइ जाँदै गरेको देखेछ र उसले सोचेछ कि केही न केही त लफडा छ ,

उता बाँदरले सिंहलाई जम्मै नालिबेली सुनाइदियो , कि कसरी कुकुर ले बेवकुफ बनायो भनेर ।

सिंह जोड ले करायो , ” हिड मेरो साथ अहिले उसको लिला म समाप्त गरीदिन्छु ”
अनि बाँदरलाई आफ्नो पिठ्युमा बसाएर सिंह कुकुर को तर्फ कुद्यो ।

कुकुर ले सिंहलाई आउदै गरेको देख्दा संकट आइपरेको जस्तो सोच्यो तर पनि हिम्मत गरेर कुकुर फेरि थुचुक्क बसेछ
अनि जोड जोड ले कराउन थालेछ ,
” यो बाँदरलाई पठाएको एक घण्टा भैसक्यो अहिले सम्म एउटा सिंहलाई फसाएर ल्याउन सकेको छैन ”

यो सुन्ने बित्तिकै सिंहले बाँदरलाई फ्याल्दै फर्केर ननस्टप भाग्यो

आइत, मंसिर ३, २०७४ मा प्रकाशित

यसमा तपाइको प्रतिक्रिया